تمتع البابا شنودة الثالث بعدة صفات من هيبة ووقار وقداسة وروحانية أثناء الصلاة , وكان شاعر ومُفكر ومُعلم وصحفياً وكاتباً ، له أسلوبه المتميز في تناوله العديد من الموضوعات والقضايا , ووسط كل هذا كان يحبه الجميع لما تمتع به من حكمة وشخصية .
وتمتع أيضاً قداسة “البابا” بروح المرح والفاكهة والتي ظهرت عند الرد على بعض الأسئلة ,وبعض المواقف التى جعلت الكثير يشعر بهذه الروح الجميلة التي تجعل روح الضحك تنتشر في المكان ,ولم يكن مجرد ضحك بل كان ضحك ينم عن سرعة بديهة وذكاء منه, ورؤية مختلفة .. وتزامناً مع ذكراه تداول نشطاء مواقع التواصل الإجتماعي بعض من أجوبته على أسئلتهم بطريقة تغلب عليها الدعابة والفكاهة ,وفيما يلي ننشر بعض منها …
من طرائف البابا شنوده الثالث .. واحد قال لقداسة البابا: “الشيطان دايماً بيحاربنى وبعمل كل حاجة وبردو الخطية موجودة ، رد قداسة البابا وقاله: حاول تتفاهم معاه وقله ابعد عنى يا شط شط ..
++++++++++++
وأخربيقول للبابا: أنا عندي داء النسيان ماذا أفعل ؟
رد البابا وقال: خايف أقولك تنسي بكرة
++++++++++++
واحد بيقول للبابا أنا بنام في اجتماع قداستكم؟
رد البابا : ابقي فكرني أعمل اجتماع وأنت صاحي.
++++++++++++
من طرائف البابا شنودة : جلس ثلاثة رهبان ليأكـلــــــوا بـيض شــم الـنـسـيـــــم فقال أحدهم كل واحد يعمل حاجة فى البيضة ويقول ليه ؟
الأول قشرها وقال عريان خرجت من بطن أمى عريان أعود إلى هناك
التانى ملحها وقال أنتم ملح الأرض ..
التالت كلها وقال أدخلى بسلام إلى فرح سيدك ..
++++++++++++
وأيضاً من طرائف البابا شنودة لما كان عامل عملية فى رجله كان قاعد على كرسي متحرك لفترة .. فقال للأباء الأساقفة : أوعوا حد فيكو يقول ثبته على كرسيه
++++++++++++
وقع قلم البابا شنودة من يده، فالتقطه القمص بولس باسيلى وأراد الإحتفاظ به.. فقال له البابا: هات القلم هات .. تروح تكتب مقالات، وتقول : بقلم قداسة البابا !
++++++++++++
واحد بيقول للبابا شنودة : صليلى ياسيدنا أنا بقالى 5 سنين شغال فى أبو زعبل .
رد البابا شنودة وقاله : أنت أللى تصليلى أنا بقالى 20 سنة شغال فى العباسية :)))
++++++++++++
مرة واحد صعيدى صرخ بصوت عالى وقاله : أنت جاموس ياسيدنا ( يقصد قاموس ) .. رد عليه قداسة البابا وقاله : الرك على العجول اللى تفهم ( يقصد العقول )
++++++++++++
فتاة بعتتله سؤال تقول فيه : أنا بحب واحد ياسيدنا فى نفس سنى ونفسي أكمل معاه بقية حياتى بس المشكلة أن معندهوش الإمكانيات المادية الكافية اللى تخلينا نكمل مع بعض ، أعمل أيه ؟؟
قالها يابنتى شوفى طالما هو قدك يبقى قدامه لسة دراسة وبعد الدراسة هيدخل الجيش وبعد مايطلع من الجيش يدورعلى شغل وبعد مايدور على شغل يقعد فترة يبنى نفسه ، وبعدما يكون نفسه يجيب شقة وبعد كدا يفرشها و…….. الخ ، وكل دا محتاج لوقت كبير .. يابنتى وأنتى هتكونى كبرتى واتجوزتى ويمكن انجبتى ،،، لو بتحبيه أوى أوى يعنى ممكن تديله بنتك .
++++++++++++
واحد قال لقداسة البابا الشيطان دايما بيحاربنى وبعمل كل حاجة وبردو الخطية موجودة رد قداسة البابا وقاله: حاول تتفاهم معاه وقله أبعد عنى يا شط شط
++++++++++++
زوجي مندوب مبيعات أدوية كان عنده كتاب طب قديم يعالج نفسه بواسطته! وماذا حدث بعد ذلك؟؟؟؟مات بسبب غلطة مطبعية
++++++++++++
واحد عنده 55 سنة و بيسأل قداسة البابا انا نفسى اتجوز لكن عندى 55رد قداسة البابا وقاله: اذا كان انت عندك 55 يبقى لازم تاخد ام 44
++++++++++++
جاء تاجر أردني لقداسة البابا شنودة الثالث وقال له:عندي مشروع جيد ولكنه بحاجه إلى تدعيم من الكنيسة , بأن نعبيء مياهنهر الأردن الذي تعمد فيه السيد المسيح في زجاجات ونبيعها في مصرللبركه…… أجابه قداسة البابا وقال:طيب ماالمسيح
جاء إلى مصر وشرب من مياه النيل… فما رأيك لو عبأنازجاجات من مياه نهر النيل وبعناها في الأردن؟!..
++++++++++++
مذيع بيسأل قداسة البابا فى برنامج عن حكاية ان الاقباط هيعملو دولة خاصة بهم فى اسيوط رد و قال:ازاى الكلام دة !! عندنا اساقفة كتير اوى … هنوزعهم ازاى على اسيوط … ممكن نخلى كل اسقف على حارة وممكن نسميهم الآباء الحواريون
++++++++++++
إنه في لقاء مع الرئيس مبارك كان الإمام الأكبر وبطريرك الأقباط وبينهما منضدة عليها موبايل. وكان البطريرك يرد علي المكالمات قائلا: مشغول.. عندي اجتماع.. غدا.. ليس الآن.. فسأله الشيخ طنطاوي: ياقداسة البابا أليست لي مكالمة؟ فقال
الأنبا شنودة: ياسيدي التليفون بيضرب جرس.. ولما يؤذن حديه لك!
++++++++++++
مره بعد الاجتماع مع بعض رجال الاعمال المسيحيين وقف البابا شنوده يوزع 3 صور للقديسين لكل واحد فقال له احد الموجود لتسمح لي يا سيدنا اخد 4 بدل 3 رد عليه البابا قائلا :”ليه يابني كده احسن بدل ما تكون من زوات الاربع
++++++++++++
مرة كنت فى اجتماع لقداسة البابا و بعدين لقى ترنيمة حزينة شغالةقال للمرنمين يعنى هو كل مرة حزاينى هو لازم كل الناس حزينة و واقعة فى الخطية متقولو حاجة فرايحى للناس الفرحانة
++++++++++++
أتصلت إحدى السيدات بالبابا تسأله ” هل يمكني الإعتراف من خلال التليفون ” فكان رد البابا ” ممكن بس لما أقرأ لكي التحليل ياريت تحطي سماعة التليفون على رأسك ”
++++++++++++
كان إحدى الأشخاص في حالة خصام مع أخيه وذهب يعترف للبابا وكل ما يذكر خطية يقول أن السبب في الخطية هو أخوه فقال له البابا ” خلاص روح لأخوك وأبعته عشان أقرأ له هو التحليل ”
++++++++++++
فى إحدى المرات سأله راجل صعيدى و قال يا قداسة البابا أنا صعيدى وبلديات قداستك و جاى مصر علشان أسأل سؤال واحد ! هل فى يوم القيامة هانقوم صعايدة زى ما احنا و لا لع؟و يرد البابا: فى الدينونة مش هاتقوم صعيدى ربنا هايكون
صلحك على الآخر.. و تقوم كملائكة الله فى السماء.
++++++++++++
واحدة سألت البابا عن شخص إتعرفت عليه فى المصيف و إتصل بيها و خرجت مرة معه فهل إعجابه بها صادق!و بعد أن وبخها البابا عن طريقتها فى التعامل مع الشاب و ليه أعطيته تليفونها سألها إنت مقلتليش خرجتوا مع بعض تتكلموا فى إيه
بتتكلموا فى إن الشاروبيم أعظم أم السارفيم ” أسماء ملائكة “!! أعقلى و أتقلى
++++++++++++
يقول البابا تعليقا على أحد الأديرة التى منعت إستقبال الرحلات أنه كان فى رحلة إلى دير ووجد هناك نحو 800 فرد يعنى الدير بقى ” باللو ”
++++++++++++
يقول البابا فى ناس بتراقب الناس بشكل صعب يعنى فى عزومة واحدة تقول للضيف أنت ما أكلتش من الصنف ده.. طاب و ايش عرفك.. أكيد بتعد عليه اللقم و واحد تانى بيقول للضيف كل من اللحمة.. يقول له أكلت فيرد عليه كل تانى.. يرجع
يقوله انا أكلت حتتين لحمة.. فيرد بسرعة لع إنت أكلت 3 حتت!
++++++++++++
يقول البابا زعموا إن نملة تمشت فوق منارة إحدى الكاتدرائيات ثم قالت النملة أنا آسفة إنى تقلت عليكى.
++++++++++++
فى إحدى المرات سأل واحد البابا.. ليه ربنا خلق الحيوان قبل الإنسان؟ فأجاب البابا .. هذه ليست ميزة للحيوان بل لكى يكون الحيوان فى خدمة الإنسان بس إوعى النساء تقول إن آدم إتخلق قبل حواء علشان يكون فى خدمتها.. و على كل حال آدم
خدم حواء أكبر خدمة فهى إتخلقت من ضلعه
++++++++++++
واحدة تشتكى إبنها للبابا بتقول: الواد ماكفر سيئاتى.. فقال: طيب إنتى ليه يكون عندك سيئات علشان يكفره االواد